明我幼稚園(奧運校)面試心得(獲錄取)

2021年因為疫情關係，明我係其中一間用Zoom面試的幼稚園。

申請過程全程在網上系統進行，填好資料和上載出世紙等文件，然後用ATM轉賬繳交報名費。

面試前一個月收到email通知要交個人檔案，簡單介紹小朋友的興趣、喜好、日常親子互動生活照及其他。 (可以以相片、圖畫或文字表達) 因之前有哥哥小一叩門經驗，所以呢部份無咩難度，用返哥哥版本改少少就得！

之後學校會安排時間，家長在預定時間進入Zoom會議，面試全程10分鐘。

因為時間咁啱撞正要接哥哥放學，所以今次係爸爸陪同Jensen zoom面試。
但我相信2位家長陪同會更好。

面試前要準備電腦或iPad，以及兩張椅子。我選擇用iPad是因為鏡頭比較清晰，但缺點係10吋螢幕比電腦細。到了原定時間，進入了Zoom會議室，等待老師。可能學校喺Zoom面試經驗不多，或者因為技術問題，所以比原定時間遲了20分鐘才開始。要一個大人靜待都問題不大，但小朋友坐定定等係好困難。結果係老師開啟畫面，爸爸才捉返Jensen入鏡頭。

面試終於開始，兩位老師好熱情地揮手打招呼。Jensen只有2歲幾，平時用iPad都係睇影片，都未必知道iPad入面係真人。都係爸爸捉住Jensen揮手。「你叫咩名?」「你今年幾多歲?」都係必答題啦，Jensen好多時都不在狀況時，當然都係爸爸代答。

第二部份係播Baby Shark音樂，老師叫小朋友一齊拍手唱歌。Jensen一開始係無反應，爸爸我唯有捉住佢手一齊跳。

第三部份畫面放出圖片，有海、船、太陽等等，逐一問小朋友係乜嘢。Jensen好多時都好細聲，我諗老師聽唔到。

最後老師請小朋友離開，問家長對小朋友入學校後有什麼期望。爸爸簡單答了希望小朋友有開心的群體生活。因為時間緊湊，老師就直接完場講byebye了。

因為已經比原定時間遲了很多，所以相信好多其他小朋友排隊等緊。全個過程都好緊湊，如果小朋友冇即時回應，老師不會慢慢引導，就直接下一個問題。所以對於慢熱性格的小朋友係好輸蝕。

結果：最後好驚喜收到PM offer（因為Jensen確實係無咩反應，能收到offer真係意料之外）
最後能候補上AM offer。

從Jensen ge面試表現黎睇，爸爸媽媽都覺得個人檔案十分重要!所以大家可以在個人檔案花點心思，加多點分！